خلیق احمد نظامی کی تصنیف کردہ یہ کتاب مجلسِ ترقی ادب لاہور کے زیر اہتمام پہلی بار شائع ہو رہی ہے۔ اس کتاب میں اسلامی ہند کے بانی سلطان قطب الدین ایبک (خاندانِ غلاماں) سے لے کر خلجی، تغلق اور لودھی سلاطین تک کے مذہبی رجحانات، اخلاقیات اور شعائر اسلامی کے فروغ میں اولیا اور علما کے کردار، حکومتی اقدامات، دربار اور خانقاہ کے تعلقات اور عوام الناس پر اثرات کا عہد بہ عہد جائزہ لیا گیا ہے۔ بہ الفاظِ دیگر خلیق احمد نظامی کی یہ کتاب اسلامی ہند (ماقبل خاندانِ مغلیہ) میں مسلمان سلاطین کے غیرمسلموں پر حکومت کرنے کے سلیقے، زندگی کی مختلف سطحوں پر اسلامی تعلیمات کے مطابق نفاذ اور رواج کی چشم کشا اور مکمل روداد سناتی ہے۔ حرفے چند میں مصنف کے تعارف کے ساتھ ساتھ، موضوع کی اہمیت اور مواد کی پیشکش میں مصنف کی فنی اور فکری مہارت کا ذکر کیا گیا ہے۔ کتاب کا دیباچہ خلیق احمد نظامی اور پیش لفظ سیّد بشیر حسین زیدی (سابق وائس چانسلر مسلم یونیورسٹی علی گڑھ) کا تحریر کردہ ہے۔ تعارف کے عنوان کے تحت مسلم یونیورسٹی علی گڑھ، شعبۂ سیاسیات کے سربراہ پروفیسر محمد حبیب نے خلیق احمد نظامی کے فکر و فن پر روشنی ڈالتے ہوئے برعظیم میں مسلم سیاسیات کا تذکرہ کیا ہے۔ طویل مقدمہ افتتاحِ سخن، سلاطین کے مذہبی افکار و عقائد کا نشوونما، تاریخِ اسلام میں سلطنتِ دہلی کا مقام، سلطنتِ دہلی میں مذہب کی حیثیت، سلطنتِ دہلی میں غیرمسلم اور خلافت اور سلاطینِ دہلی کے ذیلی عنوانات کے تحت تحریر کیا گیا ہے۔ کتاب کا مواد 14 ابواب کو محیط ہے۔ کتاب کے آخری صفحات پر مآخذ کی فہرست دی گئی ہے۔
سلاطینِ دہلی کے مذہبی رجحانات
₨ 660
- اس کتاب میں اسلامی ہند میں مسلمان حکومت کے آغاز سے لودھیوں تک غیرمسلموں پر اثرات کا جائزہ لیتی ہے۔
- یہ کتاب اسلامی ہند میں مسلمانوں کی حکومت اور اسلامی تعلیمات و رواج کی روداد سناتی ہے۔
- کتاب 14 ابواب پر مشتمل ہے اور آخری صفحات پر مآخذ کی فہرست دی گئی ہے۔
Maya / Pre-sale Questions
Need Help? Contact Us via WhatsApp
Related products
فردوس بریں
مولانا عبدالحیم شرر اردو فکشن کی اس روایت کے بانیوں میں سے ہیں جسے اسلامی تاریخی ناول نگار کہا جاتا ہے۔ ان ناولوں میں فیکٹ اور فکشن، تاریخ اور تخیل کا امتزاج ہے۔ جو قابلِ توجہ ہے اور اردو ناول کے ارتقا کی ایک کڑی ہے۔ یقیناََ ''فردوس بریں'' کو عام طور پر شرر کا شہکار ناول گنا جاتا ہے۔ یہ دلچسپ ہونے کے ساتھ ساتھ عبرت ناک بھی ہے۔۔
مجاہد شاعر منیر شکوہ آبادی
مجاہد شاعر منیر شکوہ آبادی" منیر شکوہ آبادی کا شمار انیسویں صدی کے ان باکمال شاعروں میں ہوتا ہے جن کی قوتِ ایجاد و اختراع اور قدرتِ زبان سے انکار ممکن نہیں۔"
میں ان کی سوانح، شخصیت، تصانیف، تلامذہ اور شاعرانہ مرتبے پر سیر حاصل گفتگو کی گئی ہے۔
'ضمیمہ' کے عنوان سے ان کا نادر اور غیر مطبوعہ کلام بھی اس کتاب میں موجود ہے۔
یہ کتاب ڈاکٹر توصیف تبسم نے مرتب کی ہے اور یہ تین سو نوے صفحات پر مشتمل ہے
تاریخِ خوارزم شاہی
- یہ اُس کم نصیب خاندان کی سرگزشت ہے، جس نے علاء الدین خوارزم شاہ ایسے باجبروت سلطان کو جنم دیا۔
- اس کتاب میں اُن اسباب و علل کو واضح کیا گیا ہے جو پہلے اس خاندان کے عروج اور بعد ازاں زوال کا باعث بنے۔
- فتنۂ تاتار آشوبِ قیامت سے کم نہیں تھا، یہ کیونکر برپا ہوئی اس سوال کا جواب اس کتاب میں تلاش کیا جا سکتا ہے۔
صحافت پاکستان و ہند میں
- یہ کتاب شعبۂ ابلاغیات پنجاب یونیورسٹی کے سابق سربراہ ڈاکٹر عبدالسلام خورشید کی دس سالہ کی محنت کا نچوڑ ہے۔
- پینتالیس طویل و مختصر ابواب پر مشتمل کتاب اخبار نویسی و طباعت کی ابتدا سے جدید دور کی صحافت تک کا احاطہ کرتی ہے۔
- کتاب کے آخر میں مآخذ اور حوالہ جاتی کتب و رسائل و جرائد اور اخبارات کی فہرست اور اشاریہ بھی دیا گیا ہے۔
